Sulmuesi i Romës, Tammy Abraham po pritet të rikthehet në Premier League pas përfundimit të sezonit aktual. “Football-Italia” ka raportuar të mërkurën se Manchester Unitedi po insiston në transferimin e tij në verë.
Madje, mësohet se edhe Abraham është i interesuar të jetë pjesë e ekipit anglez prej sezonit të ri dhe tashmë ka kërkuar nga Roma që ta nxjerrë në shitje. Kartoni i tij vlerësohet rreth 45 milionë euro, ndërsa Unitedi pritet së shpejti të bëjë ofertë zyrtare për sulmuesin e Anglisë.
25-vjeçari është pjesë e Romës prej vitit 2021 kur iu bashkua nga Chelsea dhe ka kontratë deri në vitin 2026 me ekipin nga Serie A. Këtë sezon, Abraham ka 7 gola e 5 asistime në të gjitha garat.
Artikuj të ngjashëm