Brenda një periudhe të shkurtër, Kosova mund të bëhet organizatore e Lojërave Mesdhetare. Kështu është thënë të shtunën në konferencën për shtyp ku pjesëmarrës ishin drejtues të Komitetit Ndërkombëtar të Lojërave Mesdhetare (ICMG) dhe Komitetit Olimpik të Kosovës (KOK).
Presidenti i KOK-ut, Ismet Krasniqi, është ndarë i kënaqur që ishte nikoqir i 26 anëtarëve të kësaj organizate, ndërsa Sekretari i Përgjithshëm i KOK-ut, Besim Aliti, foli për rëndësinë e organizimit të mbledhjes së drejtuesve të ICMG-së në Kosovë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“E kemi dhënë një notë që në të ardhmen mundemi edhe ne të organizojmë ngjarje të tilla, ngjarje edhe më të mëdha, që në të ardhmen e shkurtër, të organizojmë ndonjë event siç janë Lojërat Mesdhetare, së bashku me ndonjë shtet fqinj”, tha Krasniqi.
Ndërkohë, sekretari Aliti theksoi se është hera e parë në historinë 71-vjeçare të ICMG-së që një mbledhje e Komitetit Ekzekutiv organizohet në një qytet që nuk është mikpritës i Lojërave Mesdhetare.
“Për neve është krenari dhe privilegj, por edhe përgjegjësi të presim anëtarë të 26 shteteve anëtare të ICMG, të cilët janë pritur edhe nga presidentja e shtetit, Vjosa Osmani dhe ministri, Hajrullah Çeku. Shpresojmë dhe besojmë që në të ardhmen e afërt ky organizim do të rritet dhe të organizojmë edhe ndonjë edicion të Lojërave Mesdhetare”, është shprehur Aliti.
I lumtur për këtë takim është ndarë Presidenti i ICMG-së, Davide Tizzano, i cili dha lëvdata për mikpritjen e ngrohtë në Kosovë. Ndërkohë, foli për gjasat që Kosova të jetë organizatore e ngjarjeve të mëdha.
“Ne kemi dy lloje Lojërash, ato të rërës dhe Lojërat Mesdhetare. Mendoj që Komiteti Olimpik i Kosovës është i gatshëm të nis angazhimin në këto procedura dhe këtë e ka demonstruar me kompetencë dhe pasion. Por e ka bërë të qartë se ka edhe ide për të ardhmen”, theksoi Tizzano.
Kosova në Lojëra Mesdhetare ka qenë shumë e suksesshme, sidomos në sportin e xhudos.
Ka fituar 10-të medalje gjithsej, gjashtë të arta, një të argjendtë dhe tri të bronzta. Nëntë prej tyre janë nga xhudoja dhe një nga sporti i boksit.