Sulmuesi Gonçalo Ramos ka thënë se Portugalia është duke ecur para pa shpërqendrim, ndonëse nga grumbullimi u largua superylli Cristiano Ronaldo.
Futbollisti i Milanit pati ndikim në fitoren 4:2 të Portugalisë ndaj Danimarkës, të enjten mbrëma. Ramos ka shtuar se ekipi është i bashkuar dhe nuk është shpërqendruar nga zërat rreth ish-kapitenit.
“Situata e krijuar nuk ka pasur ndikim te ne. Çështjet e jashtme nuk kanë ndikuar në rëndësinë e ndeshjes. Ne duam ta fitojmë çdo ndeshje dhe ashtu bëmë. Trajneri na ka ndihmuar shumë. Kemi ide të qarta, e dimë saktësisht se ku janë bashkëlojtarët, në sulm e mbrojtje. Më pëlqen të luajmë kështu”, ka thënë Ramos ndër të tjera pas ndeshjes.
Ronaldo pati telashe me përzgjedhësin e ri Jorge Jesus. Ai nuk e inkuadroi Ronaldon në duelin ndaj Norvegjisë të dielën, dhe nuk llogariste në të as për duelin ndaj Danimarkës. Në shenjë pakënaqësie, Ronaldo vendosi të largohej.