Portieri italian, Salvatore Sirigu, do ta vazhdojë karrierën te skuadra e Napolit. “Calciomercato” ka njoftuar se palët tashmë kanë arritur marrëveshje dhe Sirigu do të prezantohet te Napoli brenda kësaj jave.
Sirigu me Napolin do të firmos kontratë njëvjeçare me opsionin e vazhdimit edhe për një vit tjetër, ndërsa do të ketë pagë vjetore prej 700 mijë eurosh.
35-vjeçari te Napoli do të transferohet si lojtar i lirë pasi muajin e shkuar i skadoi kontrata me Genoan. Ai karrierë ka bërë edhe te Paris Saint-Germaini, Torino, Osasuna, Sevilla e Palermo.
