Mbështete KOHËN. Ruaje të vërtetën
SOT

Kutia e ushqimit, çka konsumojnë fëmijët në shkollë?

Janë ditët e para të shkollës dhe nxënësit në shkollën “Elena Gjika” në Prishtinë, po mësojnë duke luajtur për ushqimin e shëndetshëm.

Në klasën e mësueses Blerta Zeqiri-Hasani të vegjlit duhet të gjejnë symbyllur frutën që kanë në duar.

Keqapi është i dashur për fëmijët, por ai rangohet si ushqim i dëmshëm.

Pushimin e gjatë fëmijët e kaluan duke konsumuar nga kutia e ushqimit e përgatitur nga prindërit në shtëpi.

Kjo metodë tashmë praktikohet në shumicën e shkollave të kryeqytetit, prej kur shujtat nga Komuna janë ndalur.

Edhe Si t’i mbani fëmijët larg ushqimit të shpejtë Lifestyle Si t’i mbani fëmijët larg ushqimit të shpejtë

Kutia e ushqimit është rekomandim edhe i mësimdhënësve, në mënyrë që të vegjlit të mos dalin nga klasa për të blerë ushqime.

Banania është frutë që ndodhet në shumicën e kutive të fëmijëve në klasën e trettë në shkollën “Elena Gjika”.

E për më të rriturit shkolla ka bufenë e saj në të cilën synohet ushqim jo i shpejtë.

Se çka duhet të ketë në kutinë e ushqimit e përcakton kohëzgjatja e qëndrimit të fëmijëve në shkollë, thotë nutricistja Vala Pupovci.

Edhe Mbipesha dhe devijimet në kurriz problemet më të mëdha të nxënësve Arbëri Mbipesha dhe devijimet në kurriz problemet më të mëdha të nxënësve

Ndërkohë prindërit e filloristëve duhet t’i kushtojnë rëndësi forcimit të eshtrave duke u dhënë qoftë në shkollë apo shtëpi produkte të qumështit.

E në kutinë e ushqimit, sipas nutricistes Pupovci, fëmijët nuk duhet të kenë çokollata e pije me sheqer të shtuar.