Kërkesa të shumta për tatuazhe kushtuar familjarëve

Tatuazhet vetëm kohëve të fundit kanë filluar të bëhen trend në vendin tonë.

Nuk ka kaluar shumë prej kur flitet lirshëm për to, e edhe të pranohen si diçka normale.

Betim Kadriu është një tatu-artist i njohur në vend dhe interesimin për këtë veprimtari e kishte pasur qysh në fëmijëri.

Në studion “HevayInk” vijnë klientë me kërkesa të ndryshme.

Më të shprehurat janë tatuazhet që u dedikohen familjarëve. E, edhe ato me motive kombëtare po kërkohen shumë.

Tash që ato nuk janë më një temë tabu, interesimi është më i madh, sidomos nga të rinjtë.

Por, sipas Kadriut duhet të ketë vetëdijesim tek ta, meqenëse tatuazhet janë të përjetshme.

Sikurse i tërë procesi deri te përfundimi i një tatuazhi, edhe kujdesi pas luan një rol të rëndësishëm për ta mirëmbajtur atë.

Përveç përkushtimit, kohës e koncentrimit, edhe kreativiteti i tatu-artistit është një pjesë e rëndësishme e procesit.