Analiza për antitrupat, kërkesë e madhe në kohë të koronavirusit

Secili organizëm i ka disa trupa të vegjël, funksioni i të cilëve është ta mbrojnë njeriun nga infeksionet, qofshin ato virusale apo bakteriale.

Këto, të njohura me termin antitrupa, aktivizohen vetvetiu kur organizmi infektohet.

E në vitet e ballafaqimit me pandeminë është zgjuar edhe më shumë kureshtja e njerëzve dhe kërkesa për ketë analizë.

Kjo ngase ky test e tregon edhe numrin e antitrupave që vetë organizmi i ka dhe ato që krijohen nga infektimi me COVID-19 dhe vaksinat kundër tij.

Numrin e tyre sa u përket testeve për koronavirus e tregon vetëm ai serologjik pasi bëhet me anë të gjakut.

E analiza specifike e antitrupave e tregon vlerën e saktë të atyre që shfaqen nga faktorë të ndryshëm.

Infektologu Arben Vishaj tregon se si funksionojnë antitrupat në rastet e infektimit me virusin COVID-19 dhe variantet e tij, por edhe për gjendjen normale të një organizmi.

Me përhapjen e pandemisë edhe mjekët e punëtorët e tjerë shëndetësorë paralelisht me krijimin e kësaj situate të re kanë mësuar e hulumtuar.

Si të trajtohet në mënyrë më efikase, si të kuptohet gjendja më konkrete e organizmit e të gjitha këto kuptohen nëpërmjet analizave e testeve.

Për këtë arsye edhe laboratorët janë pajisur me aparatura më të avancuara në mënyrë që gjendja e pacientëve të dihet më qartë.