Zëri i vajzës së këngëtares më famë botërore, Beyonce, Blue Ivy, është dëgjuar në trailerin e ri të filmit “Mufasa: The Lion King”, i cili u lansua të hënën.
Filmi i ri rishfaqë mbretin e xhunglës, duke risjellë disa nga yjet që qëndruan prapa zërave të karaktereve të tij, nga filmi që kishte bërë regjisori Jon Favreau në vitin 2019, përfshirë, John Kani si karakteri Rafiki, Seth Rogen si Pumbaa, Billy Eichiner si Timon, Donald Glover si Simba dhe Beyonce Knowles-Carter si Nala, shkruan CNN.
Një tjetër anëtare e familjes Carter gjithashtu do të jetë në mesin e zërave për filmin e ri. Blue Ivy, e bija e Beyonces dhe Jay-Z, do të luajë rolin e Kiaras, vajzës së mbretit Simba dhe mbretëreshës Nala.
Regjinë e filmit të ri e ka bërë Barry Jenkins, në të luan edhe Kelvin Harrison Jr, në rolin e Takas, Thandiwe Newton si Eshe- nëna e Takas, Anika Noni Rose si Afia- nëna e Mufasas dhe Keith David luan rolin e babait të Mufasas- Masego.
VIDEO-TRAILER:
