Aktorja e njohur e Hollywoodit Sofia Vergara ka treguar arsyen e ndarjes nga Joe Manganiello. Ajo ka thënë se me ish-bashkëshortin pati mosmarrëveshje rreth dëshirës për të pasur fëmijë, raporton “People”.
51-vjeçarja ka thënë se përderisa ish-bashkëshorti dëshironte shumë që të bënte fëmijë me Sofian, ajo nuk dëshironte të bëhej nënë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Martesa ime u prish sepse burri im ishte më i ri. Ai donte të bënim fëmijë dhe unë nuk dëshiroja të bëhem një nënë e vjetër. Mendoj se nuk do të ishte fer për fëmijën. E respektoj kushdo që e bën, por kjo gjë nuk është më për mua”, ka thënë Sofia.
Aktorja që ka një fëmijë me ish-burrin e saj Joe Gonzales ka thënë tutje se pasi që djali i saj i ka 32 vjet, është koha të bëhet gjyshe.
“E kam lindur djalin kur isha 19 vjeçe. Tani i ka mbushur 32, dhe jam gati të bëhem gjyshe, jo nënë. Pra nëse dashuria do të vij për mua, ai duhet të vijë me fëmijë që tashmë i ka bërë”, ka thënë ylli.
Ajo gjithashtu ka treguar se është gati të hyjë në fazën e menopauzës dhe se mendon se gjërat duhet të rrjedhin natyrshëm.
“Kur djali im të bëhet baba, le të ma sjellë beben që të kujdesem pak për të, pastaj e merr prapë, dhe kështu do ta vazhdojë jetën. Këtë duhet ta bëj”, ka thënë 51-vjeçja.
Sofia ka thënë se vendimi për divorc pas shtatë vitesh martesë ishte shumë i vështirë.