Sofia Vergara ka paraqitur një kërkesë duke i kërkuar gjykatësit që mbikëqyr divorcin e saj t'u përmbahet kushteve të marrëveshjes paramartesore që ajo dhe Joe Manganiello nënshkruan
Aktorja 51-vjeçare dhe aktori 46-vjeçar Joe Manganiello kohët e fundit njoftuan për ndarjen e tyre shokuese pas shtatë vjetësh martesë dhe Sofia tani ka paraqitur një kërkesë në gjykatë në përpjekje për të mbrojtur pasuritë e saj.
Joe fillimisht kërkoi divorcin, duke përmendur "dallime të papajtueshme" dhe në reagimin e saj ndaj paraqitjes së tij, Sofia ra dakord me arsyen e shpërbërjes së martesës së tyre dhe i kërkoi gjykatës të mbajë marrëveshjen paramartesore të tyre.
Ajo gjithashtu i kërkoi gjykatësit të konfirmonte se disa pasuri duhet të mbeten të sajat, duke përfshirë veprat e artit dhe "efekte të tjera personale".
Revista “PEOPLE” shton se Sofia ka pretenduar se fitimet janë të saja nga para dhe gjatë martesës së tyre si pasuri e saj.
Sofia dhe Joe njoftuan për ndarjen e habitshme muajin e kaluar, në një deklaratë të përbashkët.
Ata thanë: “Kemi marrë vendimin e vështirë për t'u divorcuar. Si dy njerëz që e duan dhe kujdesen shumë për njëri-tjetrin, me mirësjellje kërkojmë respekt për privatësinë tonë në këtë kohë ndërsa kalojmë në këtë fazë të re të jetës sonë."
Edhe
Joe Manganiello kundërshton arsyen e ndarjes që dha Sofia Vergara
Ndërkohë, Sofia thuhet se po është në gjendje të shkëlqyer përkundër faktit se po divorcohet.
Një burim i tha PEOPLE: “ Është e trishtuar që martesa e saj nuk funksionoi, por gjithsesi ndihet shumë me fat. Ajo ka një jetë të madhe që e do. Ajo po qëndron në shtëpinë e saj tani për tani. Joe po jeton diku tjetër."
Përgatiti: Vita Abrashi -Kajtazi
