-
Përktheu:
Vita Abrashi-Kajtazi
- 20 prill 2026 13:12
- Shpërndaje në:
Aktori, Ryan Reynolds, ka shprehur publikisht mbështetje për bashkëshorten e tij, aktoren Blake Lively, duke thënë se nuk ka qenë kurrë më krenar për të, ndërsa ajo përballet me një betejë ligjore të gjatë kundër Justin Baldoni.
38-vjeçja ka ngritur padi në vitin 2024 pas bashkëpunimit të tyre në filmin “It Ends With Us”, duke e akuzuar Baldonin për ngacmim seksual, shpifje dhe komplot, mes pretendimeve të tjera. Çështja pritet të shkojë në gjyq muajin e ardhshëm, ka raportuar People.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“E sheh vërtet iluzionin pas shumë prej këtyre gjërave, jetën digjitale përballë jetës reale. Pa hyrë në shumë detaje, nuk kam qenë kurrë në jetën time më krenar për bashkëshorten time. Njerëzit nuk e kanë idenë çfarë po ndodh realisht. Nuk kam qenë kurrë më krenar për dikë, për nivelin e integritetit që ajo sjell në çdo gjë që bën”, ka thënë Reynolds në emisionin Today.
Lively pretendon se gjatë xhirimeve është përballur me ngacmim seksual dhe një fushatë për të dëmtuar reputacionin e saj, duke kërkuar 160 milionë dollarë dëmshpërblim.
Megjithatë, muajin e kaluar, një gjykatës reduktoi çështjen duke hedhur poshtë 10 nga 13 akuzat, përfshirë atë për ngacmim seksual.
Në proces do të vazhdojnë vetëm tre pretendime: shkelje kontrate, hakmarrje dhe ndihmë në hakmarrje. Gjyqi është planifikuar të nisë më 18 maj.
Pas padisë fillestare, Baldoni, i cili i ka mohuar akuzat, ngriti një kundërpadi ndaj Livelyt dhe Reynoldsit për shpifje dhe shkelje kontrate, por ajo u rrëzua në vitin 2025.
“Ky rast ka qenë gjithmonë dhe do të mbetet i fokusuar në hakmarrjen shkatërruese dhe në hapat e jashtëzakonshëm që të paditurit ndërmorën për të shkatërruar reputacionin e Blake Lively, sepse ajo ngriti zërin për sigurinë në set. Ky është rasti që do të shkojë në gjyq”, kanë deklaruar përfaqësuesit e ekipit ligjor të Livelyt, pas zhvillimeve të fundit.
Ata kanë shtuar se për Livelyn, efekti më i madh i padisë është që personat dhe strategjitë pas këtyre sulmeve të koordinuara digjitale janë ekspozuar dhe tashmë po mbahen përgjegjës nga gra të tjera që kanë qenë në shënjestër.
“Ajo pret të dëshmojë në gjyq dhe të vazhdojë të hedhë dritë mbi këtë formë të ashpër hakmarrjeje online, në mënyrë që të bëhet më e lehtë për t’u identifikuar dhe luftuar”, theksohet në deklaratë.
Nga ana tjetër, përfaqësuesit e Baldonit u shprehën se këto ishin akuza shumë serioze dhe janë mirënjohës ndaj gjykatës për shqyrtimin e kujdesshëm të fakteve, ligjit dhe provave të shumta të paraqitura.
“Ajo që ka mbetur është një çështje dukshëm më e kufizuar dhe mezi presim të paraqesim mbrojtjen tonë në gjykatë”, kanë deklaruar përfaqësuesit e Baldonit.