Lady Gaga e shënoi me stil dhjetëvjetorin e premierës së hit singlit të saj "Bad Romance" – dhe atë me fotografi nga vaska.
Për ata që nuk e dinë, fotografitë i referohen skenës nga videoklipi për këngën e lartpërmendur në të cilën shihet Lady Gaga se si këndon dhe vallëzon në vaskë të zbrazët.
Gjykuar nga fotografia, këngëtarja 33-vjeçare pozoi në zhveshtore, pasi që prapa saj mund të shiheshin rrobat dhe paruka, shkruan Independent.
Postimi nxiti reagime pozitive të fansave të kësaj muzikanteje dhe aktoreje pasi i mblodhi pothuajse 900,000 pëlqime brenda një kohe shumë të shkurtër, por edhe mijëra komente.
Singli "Bad Romance" e shënon fillimin e një faze tejet eksperimentale për Lady Gaga, e cila, një vit pas publikimit të këngës dhe klipit, në MTV Video Music Awards e kishte veshur një fustan të bërë nga djathi dhe mishi, shkruan KOHA Ditore.
Edhe
Lady Gaga feston e lumtur pranë të dashurit ditëlindjen e 38-të
Ajo pastaj i shokoi të gjithë të pranishmit kur mbërriti në ndarjen e çmimeve Grammy në Los Angeles në një kapsulë në formë veze, duke pretenduar se në të i kishte kaluar 72 orë para ceremonisë.
Këngëtarja aktualisht po performon në Las Vegas si pjesë e turneut me titullin "Enigma".
