Aktori i njohur, Kevin Spacey, është i bindur se do ta pastrojë emrin pas akuzave për sulm seksual.
Ish-ylli i serialit “House of Cards” është paditur nga agjencia publike për kryerjen e ndjekjeve penale, “Crown Prosecution Service”, në Britani të Madhe. Ai akuzohet për një sërë incidentesh të cilat besohet se kanë ndodhur gjatë periudhës 2005-2008 në Londër.
Dhe pas pretendimeve se do të ekstradohej zyrtarisht nga Shtetet e Bashkuara të Amerikës për t’u përballur me akuzat atje, aktori 62-vjeçar tani me këmbëngulje thotë se do të fluturojë vullnetarisht drejt Anglisë për t’u paraqitur në gjykatë, raportoi portali “Female”.
Në një deklaratë për emisionin “Good Morning America”, Spacey tha: “Unë e vlerësoj deklaratën e agjencisë ‘Crown Prosecution Service’ në të cilën ata me kujdes ia kujtuan mediave dhe publikut se unë kam të drejtë për një gjykim të drejtë, dhe jam i pafajshëm deri të vërtetohet e kundërta. Derisa jam i zhgënjyer me vendimin e tyre për të vazhduar me padinë kundër meje, unë do të paraqitem vullnetarisht në gjykatë në Britani të Madhe sa më shpejtë që është e mundur, dhe do ta mbrojë veten përball të gjitha akuzave, për çka jam i bindur se do ta vërtetojë pafajësinë time”.
Javën e kaluar u bë e ditur se pas shqyrtimit të provave të mbledhura nga Policia Metropolitane, Kevin Spacey, do të përballej me akuza për sulm seksual ndaj tre burrave, dhe një tjetër padi shtesë që e akuzon aktorin se e ka bërë që një person të përfshihet në aktivitet seksual pa pëlqim.
Ylli i filmit “American Beauty” i ka mohuar të gjitha akuzat kundër tij.
Edhe
Vazhdojnë seancat gjyqësore kundër aktorit Kevin Spacey
Akuzat kundër yllit hollywoodian filluan në vitin 2017, kur një aktor i quajtur Anthony Rapp deklaroi se Spacey e kishte ngacmuar seksualisht kur ai ishte vetëm 14-vjeçar. Spacey i kishte kërkuar falje publike Rappit, ani pse ka deklaruar se nuk i kujtohet të ketë ndodhur kjo ngjarje, e cila supozohet se ka ndodhur gjatë kohës kur aktori ishte nën ndikimin e alkoolit. Afërsisht 15 persona të tjerë kanë bërë akuza të ngjashme kundër aktorit, prej kohës kur Rapp foli publikisht për përvojën e tij të hidhur. Megjithëkëtë asnjë prej këtyre akuzave nuk ka çuar në ndjekje penale të suksesshme.
Por, nga momenti kur është bërë shënjestër e padive gjyqësore për ngacmim seksual dhe sjellje të pahijshme, aktori i shquar hollywoodian i ka humbur disa projekte të mëdha filmike, dhe besohet se do të jetë pothuajse e pamundur për të që të rikthehet në skenën e filmit për një të gjatë.
