Filmi që do ta përshkruajë jetën e këngëtares britanike, të ndjerës Amy Winehouse, do të lansohet në Britani të Madhe më 12 prill të këtij viti, kurse në Shtetet e Bashkuara të Amerikës më 10 maj, raporton The Guardian.
Regjisor i filmit është fituesi i çmimi “BAFTA”, shoku i afërt i Amyt, Sam Taylor-Johnson, nën regjinë e të cilit kanë qenë edhe filmat e njohur si “Nowhere Boy” dhe “Fifty Shades of Gray”. Skenarin e këtij filmi biografik e ka shkruar Matt Greenhalgh.
Aktorja Marisa Abela do të luajë rolin e këngëtares nga Londra, e cila mori famë pas debutimit të albumit të saj të parë “Frank” në vitin 2003, pas së cilit ajo kishte publikuar të dytin album me titull “Back to Black”. Ish-bashkëshorti i Amyt do të portretizohet nga aktori Jack O’Connell.
Amy pati vuajtur nga varësia ndaj lëndëve narkotike dhe nga ndjekja e madhe nga mediat. Ajo vdiq në moshën 27-vjeçare pasi aksidentalisht u helmua me alkool në vitin 2011.
Filmi për jetën e saj mori dritën e gjelbër për publikim pasi e pa babai i të ndjerës, Mitch, figura e të cilit në film do të portretizohet nga Eddie Marsan.
Në trailerin e filmit shihet aktorja Marisa, në rolin e Amyt, duke bërë një tatuazh në dorën e majtë, ku shkruhet “vajza e babit”.
Edhe
Ish-bashkëshorti i Amy Winehouset insiston se nuk është fajtor për vdekjen e yllit
Realizimi i këtij filmi ka marrë kritika të përziera nga vlerësuesit e fushës, që u ndanë në mendimin nëse se aktorja ngjan apo jo me figurën e Amyt.
-
Bendi i Amy Winehouse rikthehet në turne për 20-vjetorin e albumit “Back to Black”
-
Prindërit e Amy Winehouse ribashkohen për t’i bërë nderime 14 vjet pas vdekjes
-
Pamela Anderson tregon se çfarë e shpëtoi që të mos përfundonte si Amy Winehouse
-
Babai i Amy Winehouse humb betejën ligjore për shitjen në ankand të gjërave të së bijës