Këngëtarja Cardi B ia ka hedhur mikrofonin një pjesëmarrësi në koncert, i cili e lagi me një pije në mes të performancës së saj gjatë fundjavës.
Gjatë një koncerti në natyrë në “Drai’s Beachclub” në Las Vegas të shtunën, fituesja e Grammyt, 30 vjeç, u bë këngëtarja e fundit që u vu në shënjestër të gjuajtjeve nga publiku.
Në një video tashmë virale të incidentit, Cardi shihet e veshur me një fustan portokalli gjatë performancës dhe duket e habitur kur pija hidhet në drejtim të saj, ndërsa ajo performonte hitin e saj "Bodak Yellow".
Si kundërpërgjigje, Cardi hodhi mikrofonin e saj drejt të pranishmit në rreshtin e parë.
Pas incidentit, reperja ri-tweetoi një kënd tjetër të hedhjes së mikrofonit, i cili tregon një pamje më të qartë të fanses që tentoi t'i zbrazte gotën me pije mbi Cardin, e cila thuhet se vazhdoi performancën e saj pas hedhjes së mikrofonit.
Në "Drai's Beachclub" një natë më parë, Cardi gjithashtu thuhet se hodhi mikrofonin e saj drejt një DJ i cili me sa duket po i prente këngët e saj herët gjatë një shfaqjeje tjetër, sipas një videoje në TikTok.
-
Cardi B paditet për sulm dhe neglizhencë pasi hodhi mikrofonin në koncert
-
50 Cent e godet fansen me mikrofon në kokë
-
Cardi B nuk do të gjykohet pasi gjuajti me mikrofon fansat
-
Sjelljet e çuditshme të fansave vazhdojnë, edhe Drake gjuhet me telefon
-
Bebe Rexha goditet me telefon në fytyrë gjatë koncertit në New York