-
Përktheu:
Vita Abrashi-Kajtazi
- 15 gusht 2026 09:30
- Shpërndaje në:
Aktori i mirënjohur, Brad Pitt ka treguar se ka nisur të konsumojë sërish alkool, pas shtatë vjetësh pa pirë dhe 18 muajsh pjesëmarrje në programin e Alcoholics Anonymous (AA), ka shkruar The Hollywood Reporter.
Aktori 62-vjeçar, në një intervistë për revistën “Esquire”, ka thënë se është jashtë rrezikut ani pse e ka lënë grupin e alkoolikëve anonim, por se tani pi në mënyrë më të kontrolluar.
“Mund të pi disa gota verë. Por nuk mund të pi shumë. Duhet të jem i përgjegjshëm dhe profesional në këtë drejtim”, ka thënë Pitt.
Deklarata ka shkaktuar reagime të ndryshme, sidomos në komunitetet online të personave në rikuperim nga varësia. Disa e vunë në dyshim idenë se një person me histori varësie mund ta kontrollojë sërish konsumin e alkoolit.
Megjithatë, ekspertët e varësive kanë një këndvështrim më të gjerë.
Edhe
Jennifer Aniston zbulon se edhe yjet e mëdhenj kishin emocione kur luanin në “Friends”
Joe Schrank, specialist i varësive, ka thënë se duhet treguar kujdes kur një person me histori alkoolizmi vlerëson vetë nëse po e kontrollon konsumimin.
“Personat me varësi nga alkooli nuk janë gjithmonë burimi më i besueshëm i informacionit për veten e tyre”, ka thënë ai.
Por Schrank ka theksuar se jo të gjithë njerëzit duhet domosdoshmërisht të ndjekin të njëjtin model rikuperimi.
“Për shumicën e njerëzve, rikuperimi është një proces që ndryshon dhe evoluon me kalimin e kohës. Nuk është një vijë e drejtë”, ka thënë ai.
Sipas tij, rikthimi te alkooli nuk duhet parë automatikisht si dështim i plotë.
“Shpresoj që ai ta gjejë rrugën e tij, cilado që të jetë ajo. Ndryshimi i qëndrueshëm është shumë i vështirë”, ka thënë ai.
Edhe
Pse fëmijët e Brad Pittit po heqin mbiemrin e tij? Përçarja familjare ka arritur pikën pa kthim
A mund të pijë në mënyrë të moderuar një person me histori varësie?
Keith Humphreys, profesor i psikiatrisë dhe studiues i varësive në Stanford, ka thënë se ka raste kur njerëzit me probleme të mëparshme me alkoolin arrijnë të rikthehen te një konsum më i moderuar, por nuk ka garanci.
Sipas tij, njerëzit që kanë më shumë gjasa ta arrijnë këtë zakonisht kanë pasur nivel më të ulët varësie, kanë mbështetje të fortë sociale, punë dhe marrëdhënie të qëndrueshme dhe nuk kanë probleme serioze psikiatrike.
“Ka qartësisht një rrezik këtu, por ai mund të jetë i menaxhueshëm, në varësi të rrethanave të tij”, ka thënë Humphreys.
Megjithatë, alkooli nuk është pa rrezik
Edhe
Brad Pitt dhe Jennifer Aniston ringjallin miqësinë me “dreka sekrete”
Ekspertët theksojnë se ekziston edhe një çështje tjetër: edhe konsumimi i moderuar i alkoolit nuk konsiderohet plotësisht pa rrezik për shëndetin.
Organizata Botërore e Shëndetësisë (OBSH) ka deklaruar se nuk ekziston një nivel konsumimi i alkoolit që mund të konsiderohet plotësisht i sigurt për shëndetin.
