Brad Pitt dhe Jennifer Aniston ringjallin miqësinë me “dreka sekrete”

Aktori Brad Pitt dhe ish-bashkëshortja e tij, aktorja Jennifer Aniston, raportohet se kanë ringjallur miqësinë e tyre pas vitesh largësie, duke u takuar fshehurazi për dreka private.

Sipas një raporti të Daily Mail, gjatë xhirimeve të sezonit të dytë të serialit “The Morning Show”, Pitt shkonte të paktën një herë në javë në sheshxhirim për të drekuar me Anistonin.

“Brad vinte në sheshxhirim dhe hante drekë me Jenin në rimorkion e saj. Ai shkonte direkt atje për një drekë private vetëm me të dhe largohej sapo ajo rifillonte xhirimet. Ishte një takim i rregullt dhe ai i qëndroi besnik”, ka thënë një burim.

Një tjetër burim ka treguar se dy aktorët kalonin kohë edhe në shtëpinë e Anistonit.

“Gjatë kësaj periudhe, ai kalonte kohë edhe në shtëpinë e saj. Jen dhe Brad u takuan disa herë, kryesisht në shtëpinë e saj, sepse nuk mund të shiheshin bashkë në publik”, ka thënë burimi.

Megjithatë, sipas raportit, takimet nuk kishin karakter romantik. Brad thuhet se dëshironte thjesht të rikthente në jetën e tij një mikeshë të cilës i besonte.

Edhe Showbiz 4 qer 2026 Jennifer Aniston zbulon se edhe yjet e mëdhenj kishin emocione kur luanin në “Friends”

“Për Bradin nuk kishte asnjë qëllim të fshehtë apo pritshmëri për ta rikthyer romancën. Më shumë se çdo gjë, atij i mungonte Jennifer si një mike e besuar. Ai e kuptoi shpejt se sa e rëndësishme kishte qenë ajo në jetën e tij. Ta kishte sërish në jetën e tij dhe të fliste me të ishte një nga vendimet më të mira që ka marrë ndonjëherë”, ka thënë burimi.

Pitt dhe Aniston ishin të martuar nga viti 2000 deri në 2005. Ata u afruan sërish në vitin 2020, pas takimit të tyre në ceremoninë e çmimeve “SAG Awards”.

Sot, Pitt është në lidhje romantike me Ines de Ramon, ndërsa Aniston është në lidhje me Jim Curtis.