Pasi këngëtarja me famë botërore, Beyonce, shpërndau foto sesionin për albumin e saj të ri, i cili pritet të dalë në shitje së shpejti, këngëtarja Erykah Badu e akuzoi për kopjim, raporton revista Forbes.
“Hmmm. Për Jay Z-në. Thuaj diçka Jay. A do ta lësh këtë grua e këto bletë (adhuruesit e Beyonces) të ma bëjnë këtë mua?”, ka shkruar Erykah në InstaStory, pasi postoi fotografinë e Beyonces me gërsheta.
Në fotografi shihet Beyonce e tëra e zhveshur, duke u mbuluar me shiritin me ngjyra, të bardhë, të kaltër e të kuqe, ku shkruhet “act ii BEYONCE”, emri i albumit të saj të ri. Në fotografi shihen flokët e këngëtares të bëra në shumë gërsheta, balluket e së cilës mbajnë rruaza me ngjyrat si të shiritit, me të cilin ajo mbulon pjesët e saj intime trupore.
Vet Beyonce nuk ka komentuar mbi çështjen, po anëtarja e ekipit të saj po.
Yvette Noel-Schure nxori një videomontazhë në Instagramin e saj, në të cilën shihet Beyonce ndër vite me flokët e saj të bëra më gërsheta.
Postimi i anëtares së ekipit të Beyonces:
“Ajo është e bukur. Si atëherë. Si tash. Gjithmonë. Act ii COËBOY CARTER 3.29 #kritikapakredenciale”, ka shkruar Yvette.
Edhe
Beyoncé përballet me padi për përdorim të paautorizuar të një kënge
Ndërkohë Erykah edhe më parë e pati akuzuar Beyoncen për kopjim, pasi Beyonce, përgjatë periudhës promovuese të albumit të kaluar, pati vënë një kapelë më shkëlqim metalik, të cilën Erykah e konsideroi si element që i përket stilit të saj të veshjes.
“Hmmm. Po më duket që jam stilistja e gjithkujt”, pati shkruar Erykah pasi kishte postar fotografinë e Beyonces me atë kapelë dhe ajo gjithashtu ka komentuar në një nga postimet e Beyonces në Instagram duke thënë se “i bëhet qejfi se po e kopjon”.
