America Ferrera i gëzohet nominimit për “Oscar”, shprehet e dëshpëruar për kolegët

Aktorja e mirënjohur e Hollywoodit, me prejardhje latine, America Ferrera, është gëzuar shumë që u nominua për “Oscar” nga Akademia e Filmit.

Kur e mori lajmin se është nominuar për aktoren më të mirë në rol mbështetës, për rolin e Glorias në filmin “Barbie”, Ferrera ka thënë se ishte duke qëndruar në shtrat, ndërsa burri i saj po i dërgonte fëmijët në shkollë.

“Ende jam e shokuar e ende nuk po mund ta besoj se kjo ka ndodhur me të vërtetë”, ka thënë Ferrera për “Variety”.

Ishte agjenti i saj ai që e njoftoi se është nominuar.

Ajo u shpreh se është shumë e dëshpëruar se nuk janë nominuar regjisorja e filmit, Greta Gerwig, burri i saj Noah i cili e ka ndihmuar atë, si dhe aktorja Margot Robbie që luan rolin kryesor në filimin “Barbie”.

Edhe Showbiz 22 shk 2024 Greta Gerwig thyen heshtjen, flet për mosnominimin për “Oscar”

“Isha shumë e zhgënjyer që ata nuk u nominuan”, ka thënë tutje Ferrera duke shpjeguar se ky zhgënjim i saj vjen pasi ajo mendon se Gerwig, burri i saj Noah, e Robbie kanë bërë punë të jashtëzakonshme në film.

“Margot është jashtëzakonisht e mrekullueshme sepse ajo bën çdo gjë të duket e lehtë. E ndoshta kjo gjë i ka mashtruar edhe njerëzit të mendojnë se ajo që po bën Margot është e lehtë, por unë mendoj se Margot është si magjistare në ekran, dhe është një ndër nderimet më të mëdha në karrierën time që kam pasur mundësi të punoi me të e të jem dëshmitare e performancës së jashtëzakonshme që ka bërë ajo”, ka thënë Ferrera.