Ndërsa 'Barbie' vazhdon të dominojë arkën, fansat e filmit po duan të dinë a do ta gjejë ylli i filmit Margot Robbie, rrugën drejt një nominimi të dyfishtë për prodhimin dhe aktrimin në çmimet prestigjioze Oscar?
Seksioni Variety Awards Circuit është shtëpia e të gjitha lajmeve të çmimeve dhe përmbajtjeve të lidhura me kinematografi gjatë gjithë vitit, duke shfaqur këto parashikime zyrtare për ceremonitë e ardhshme Oscars, Emmys, Grammys dhe Tony Awards, kuruar nga redaktori i çmimeve të larta Variety, Clayton Davis, shkruan Variety.com
Faqet e parashikimit pasqyrojnë renditjen aktuale në garë dhe nuk pasqyrojnë preferencat personale për asnjë pretendent individual. Siç sugjerojnë sondazhe të tjera formale (dhe jo-formale), garat janë të ndryshme dhe janë subjekt i ndryshimit bazuar në preferenca dhe ngjarje. Parashikimet përditësohen çdo të enjte.
E pra, ndoshta “shqetësimet” e Akademisë për vlerësimin televiziv mund të përfitojnë gjithashtu nëse përqafojnë meta-komedinë e Greta Gerwigut në një mënyrë domethënëse, në kategori të tilla si fotografia më e mirë, aktori mbështetës (Ryan Gosling), dhe aktorja më e mirë Margot Robbie.
Se sa larg do të shkoj filmi kanë treguar parashikuesit duke thënë se si një nga producentet për hitin “Mattel box office”, ajo mund të bëhet gruaja e dytë e nominuar për prodhim dhe aktrim në të njëjtin vit (e para ishte Frances McDormand për "Nomadland," për të cilën ajo fitoi të dyja).
Megjithatë në nominimet e “Oscar” nuk ka ndodhur shpesh të nominohet dikush që luan për filma të zhanrit “komedi” por nuk do të thotë që nuk është e mundur që Robbie të nominohet për “aktoren më të mirë”.
Kjo do të mbetet temë diskutimi për disa muaj deri sa të ndodh ndarja e çmimeve nëpër këto spektakle prestigjioze.
Sa i përket çmimeve “Golden Globe” është spektakël që i “përqafon” kategoritë e filmave “komedi-mjuzikëll” por mbetet të shihet se si shkon puna edhe me performancat e filmave të tjerë.
Gara nuk do të jetë fort e lehtë për Robbien pasi që pretendentet për nominime janë shumë të mira sipas Variety.com.
Është Greta Lee si Nora e bukur, Natalie Portman dhe Julianne Moore nga filmi "May December" i Todd Haynes, Lily Gladstone në filmin "Killers of the Flower Moon", "Maestro" dhe "Napoleon" me Carey Mulligan dhe Vanessa Kirby, "Dune Part Two" me Zendaya, e shumë e shumë rrole të tjera që po konsiderohen shumë të mira nga audienca.
Kurse parashikimet e nominimeve për top 10tëshe qëndrojnë kështu:
1.Natalie Portman — “May December” (Netflix) **
2.Carey Mulligan — “Maestro” (Netflix) **
3.Greta Lee — “Past Lives” (A24)
4.Sandra Hüller — “Anatomy of a Fall” (Neon)
5.Margot Robbie — “Barbie” (Warner Bros.)
6.Fantasia Barrino — “The Color Purple” (Warner Bros.) **
7.Annette Bening — “Nyad” (Netflix)
8.Emma Stone — “Poor Things” (Searchlight Pictures)
9.Lily Gladstone — “Killers of the Flower Moon” (Apple Original Films/Paramount Pictures) **
10.Kate Winslet — “Lee” (No U.S. Distribution) **
“Academy Awards”, ngjarje e njohur më mirë si “Oscars”, është çmimi artistik më prestigjioz i Hollywoodit në industrinë e filmit. Që nga viti 1927, të nominuarit dhe fituesit janë zgjedhur nga anëtarët e Akademisë së Arteve dhe Shkencave të Filmit (AMPAS). Shtatëmbëdhjetë degë janë të përfaqësuara brenda anëtarësisë prej gati 10,000 vetësh.
Degët janë aktorë, bashkëpunëtorë, regjisorë casting, kinematografi, kostumografë, regjisorë, dokumentarë, ekzekutivë, redaktorë filmash, makijazhist dhe flokëtarë, marketing dhe marrëdhënie me publikun, anëtarë në përgjithësi, (përfaqësues të artistëve), muzikë, producentë, dizajn prodhimi, filma të shkurtër dhe animacion artistik, tinguj, efekte vizuale dhe shkrimtarë.
Autore: Vita Abrashi -Kajtazi
