Përbërësit:
- 1/4 e kungullit mesatar
- 1 qepë
- 1 kokë hudhër
- 2 degë rozmarinë
- 1 patate mesatare
- Majdanoz
- 4 lugë vaj ulliri
- Lëngun e gjysmës së limonit
- Kripë
Përgatitja
Kungullin e pastruar nga farat, e vendosim në tepsi. Sipër i hedhim pak vaj ulliri, rozmarinën, qepën të ndarë në katër pjesë, hudhrën dhe patatet. Piqen në temperature të ulët deri sa të zbuten kungulli dhe patatja.
Pasi të jenë pjekur, i fusim në procesor ushqimi të gjitha perimet dhe bluhen duke i shtuar ujë të vluar sipas nevojës derisa masa të bëhet kremoze.
Në fund shtojmë pak majdanoz të freskët dhe lëngun e limonit.
