Prishtinë, 10 janar (KosovaPress) - Në Lagjen e Spitalit në Prishtinë që nga mëngjesi është ndërprerë energjia elektrike shkaku i një defekti në rrjet.
Zëdhënësi i KEDS-it, Viktor Buzhala, e ka konfirmuar lajmin për KosovaPressin, ndërsa ka thënë se ekipet janë në terren duke tentuar ta sanojnë problemin.
“Po, në ‘Lagjen e Spitalit’ gjatë ditës ka pasur ndërprerje të energjisë elektrike për shkak të një prishje. Ekipet kujdestare kanë dal në teren dhe janë duke punuar në sanimin e defektit”, ka thënë Buzhala për KosovaPress.
Ndërsa ka bërë të ditur se në pjesët tjera të qytetit gjendja është stabile dhe nuk ka ndërprerje të rrymës.
