-
Nga:
Arsim Maxhera
- 17 shkurt 2026 12:00
- Shpërndaje në:
Një vit pasi Kosova e shpalli pavarësinë, xhudistët e Kosovës nisën me suksese kulmore. Gjeneratat po ndërrojnë, por sukseset e xhudos kosovare vazhdojnë të jenë të mëdha e kulmore.
Majlinda Kelmendi e Nora Gjakova tashmë janë trajnere. Loriana Kuka i ka dhënë fund karrierës po ashtu. Por janë Distria Krasniqi, Laura Fazliu, Akil Gjakova, e disa të tjerë që po kujdesen që sukseset e xhudos kosovare të jenë të vazhdueshme.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoËshtë puna e kryemjeshtrit Driton Kuka që e ka shndërruar Kosovën në superfuqi evropiane të xhudos. Dhe po e mban të tillë.
Nën urdhërat e Kukës, xhudistët kosovarë tashmë i kanë plot pesë medalje olimpike. Në Rio 2016, Majlinda fitoi të artë. Në Tokio 2020, Distria Krasniqi e Nora Gjakova fituan medalje të arta. Në Paris 2024, Distria fitoi të argjendtë, ndërsa Laura Fazliu të bronztë.
Në Kampionate Botërore për të rritur, Kosova i ka plot dhjetë medalje në xhudo. Ndërkohë numri i medaljeve në Kampionate Evropiane ka arritur në plot 25. Prej tyre xhudistët i kanë fituar nëntë të arta.
Në garat Masters, Grand Slam e Grand Prix, shifrat e medaljeve janë “të frikshme”.
Kjo e bën xhudon kosovare të pakrahasueshme me sportet tjera në vend. Dhe kontributi i xhudistëve të kryemjeshtrit Kuka për promovimin e vendit vlerësohet gjigant.
Sa për krahasim, Kosova nuk e ka asnjë medalje tjetër olimpike pos atyre në xhudo.