-
Nga:
Sara Koci
- 1 prill 2024 17:54
- Shpërndaje në:
Pranvera veçse ka filluar, kështu, me ardhjen e saj, ngjyrat dhe materialet interesante dalin në pah.
Nga sfilatat e fundit dhe krijimet e markave më në zë në botë kemi mundur të dallonim disa nga trendët dominues për sezonin pranverë/verë që po na pret.
Renditen 9 ngjyra dhe nuanca të cilat do të jenë trend:
1. Metalikë e lëngshme:
Këtë material e kemi parë shpesh në sfilata nga markat si: “Blumatine”, “Alexander McQueen”, “Raph Lauren” dhe “Roksanda”. Ngjyrat metalike më të shpeshta që i hasim janë e argjendta dhe e arta.
2. Pjeshkë:
Edhe
Trendet e veshjeve pranverore
Ngjyra pjeshkë preferohet shumë për ditët e nxehta, lëkura e nxirë duket shumë bukur me këtë nuancë. Këtë trend e përdorën markat si: “Hermes”, “Missoni” dhe “Balmain”.
3. E bardhë:
Pa diskutim ngjyra e bardhë është çdoherë e pranishme në pranverë dhe verë, butësia, eleganca që përçon kjo ngjyrë dhuron ndjesinë e një flladi. Këtë vit disenjatorët e preferojnë shumë materialin e llanit në ngjyrë të bardhë, gjithashtu dhe veshjet asimetrike në këtë ngjyrë. “Valentino” dhe “Dior” janë disa nga markat që e përdorën më shumë ngjyrën e bardhë.
4. Nuancat e kaltra:
E kaltra në tonet e saj do të jetë një ngjyrë që do ta shohim shpesh në vitrina. Nuk ka rëndësi a e preferoni nuancën e hapur apo të mbyllur, mjafton të jetë e kaltër dhe do të jeni “in” në këtë sezon. “Burberry”, “Givenchy”, “Loewe” dhe “Fendi” janë disa marka që mund të gjeni ide e kombinime me ngjyrën e kaltër.
5. E kuqe vishnje:
Pa diskutim “Ancora” nga “Gucci” është arsyeja kryesore pse kjo e kuqe e mbyllur është dominuese këtë vit. Marka realizoi disa koleksione si për femra edhe për meshkuj me këtë ngjyrë që mori zemrat e publikut. E kuqe në vishnjë është nuancë lehtë e kombinueshme edhe me aksesorë lëkure. Pos “Guccit” edhe “Chanel” e “Valentino” e përdorën këtë nuancë në koleksione.
Edhe
Trendët e kësaj vjeshte për grim dhe manikyr
6. Nuancat e të gjelbrës:
“Bottega Veneta” është brendi që njihet më shumë për përdorimin e ngjyrës së gjelbër, por për këtë sezon ishte “Ferragamo” që e bëri trendi me nuancën e mbyllur që e përdori në koleksionin e fundit. Veçmas këtyre markave dhe “Loewe” e “Blmain” përdorën nuanca nga e gjelbra.
7. “Lilac”
“Lilac” quhet nuanca e vjollcës që do ta shohim shpesh në pranverë dhe verë, një vjollcë e lehtë e ngjashme me lulen lavandër ishte nga më të pëlqyerat e disenjatorëve. Kjo ngjyrë kombinohet shumë mirë me metaliken e argjendtë. Maison Magiela, Tanner Fletcher dhe “Rabanne” përdorën këtë vjollcë të lehtë.
8. Gjalpë e verdhë:
Vera njihet për ngjyrat pastel, këtë vit e verdha e quajtur si “Gjalpë e verdhë” do të jetë e pashmangshme për fashionistët. “Celine”, “Bottega Venetta”, “Loewe” dhe “Coperni” na dhanë komplete dhe fustane më këtë nuancë.
Edhe
Dua Lipa sjell gjallëri në Cannes me veshje ngjyrë vjollcë
9. Gri qymyri:
“Belenciaga” dhe Brandon Maxwell njihen për përdorimin e ngjyrave më të errëta, për këtë sezon larg të zezës markat përdorën ngjyrën gri. Fustanet me këtë ngjyrë do të jenë ideale për një mbrëmje elegante.
