Mjekë të lartë në Mbretërinë e Bashkuar kanë deklaruar se ekziston një “konsensus i fuqishëm” se koha e tepërt para ekranit dëmton fëmijët.
Akademia e Kolegjeve Mjekësore Mbretërore ka reaguar ndaj një konsultimi qeveritar për përdorimin e rrjeteve sociale nga personat nën 16 vjeç dhe ka sugjeruar që mjekët duhet t’i pyesin rregullisht pacientët e rinj për zakonet e tyre online.
Kjo mund të përfshijë probleme fizike dhe mendore, përfshirë edhe ekspozimin ndaj përmbajtjeve të dhunshme ekstreme.
Ata shtuan: “Dallimi tani është se dëmi që u bëhet fëmijëve në internet nuk është hipotetik… është i menjëhershëm, i dokumentuar dhe po ndodh në shkallë të gjerë.”
Kryetarja e Akademisë, Jeanette Dickson, e ka krahasuar situatën me ndryshimin e këshillave për duhanin ose rripat e sigurimit ndër vite, edhe pse në komunitetin shkencor nuk ka një konsensus të plotë për ndikimin e përgjithshëm të kohës para ekranit.
Edhe
Ekspozimi i foshnjave ndaj telefonave, ndikon negativisht në zhvillim
Në deklaratën e saj, Akademia theksoi se “qeveritë e njëpasnjëshme e kanë bërë mosveprimin një art” kur bëhet fjalë për rreziqet e kohës para ekranit.
Ajo paralajmëroi se “duhet ta adresojmë këtë pa hezitim, në vend që të presim që dikush tjetër të provojë shkakun”.
Akademia pranoi se ka pak prova shkakësore që lidhin përdorimin e pajisjeve me dëmet shëndetësore, por anëtarët e saj arritën në një “konsensus të fuqishëm” se ekziston një lidhje.
Qeveria britanike do ta përfundojë konsultimin këtë javë, ndërsa një nga opsionet që po shqyrtohet është edhe miratimi i ndalimit të rrjeteve sociale për fëmijët, si në Australi.
Edhe
Alarmon studimi i madh: Ekranet e pajisjeve mund të dëmtojnë zhvillimin e fëmijëve nën 2 vjeç
Sekretarja e Teknologjisë, Liz Kendall, ka premtuar se përgjigjja ndaj konsultimit do të publikohet gjatë verës dhe masa të reja do të vendosen deri në fund të vitit.
Ajo i tha BBC-së: “Pyetja nuk është nëse do të veprojmë, ne do të veprojmë.”
