Një monedhë argjendi, që daton 2 000 vjet më parë, u gjet rastësisht nga një vajzë e re izraelite gjatë një gërmimi arkeologjik në Jeruzalem, deklaruan autoritetet për arkeologjinë.
Ekspertët thanë se monedha është veçanërisht e rrallë për dy arsye.
Arsyeja e parë ka të bëjë me shkrimin e lashtë hebraik në valutë. Në njërën anë të monedhës është gdhendur “viti i dytë” (që do të thotë viti i dytë i revoltës kundër romakëve, gjatë viteve 67-68 e.s.), dhe në anën tjetër është mbishkruar fjalët “Jeruzalemi i shenjtë”.
Arsyeja e dytë është materiali i monedhës nga i cili është bërë prej argjendi të pastër.
“Nga mijëra monedha të zbuluara deri më sot në gërmimet arkeologjike kemi zbuluar vetëm rreth 30 monedha argjendi, nga koha e Kryengritjes së Madhe”, tha Roberti Kool, kreu i departamentit të monedhave të antikitetit izraelit.
-
Një monedhë e vjedhur me vlerë një milion dollarë i kthehet Izraelit
-
Thesari i monedhave dy mijë vjet të vjetra zbulohet në Izrael
-
Arkeologët në Jerusalem gjejnë unazën prej ari dy mijë e 300 vjet të vjetër
-
Gjenden në një mur në Izrael monedha ari të fshehura që nga shekulli VII
-
Arkeologët izraelitë gjejnë thesare në anijet antike