Një notar në një kanal të British Columbia në Kanada gjeti një unazë që i kishte rënë një burri 17 vjet më parë.
Policia e Penticton lëshoi një deklaratë duke kërkuar pronarin e një unaze të gjetur në Kanalin Penticton nga një notar vendas, duke bërë me dije se unaza ishte e gdhendur me emrat Stephanie dhe Noel.
Deklarata i ka rënë në sy vjehrrit të Noel Nissen.
"Vjehrri im më kontaktoi. Ai kishte parë një artikull në një faqe lajmesh dhe ma dërgoi duke thënë: 'A është e jotja?'", tha Nissen për CBC News.
Nissen tha se kishte humbur unazën e tij të martesës në kanal 17 vjet më parë.
"Ajo unazë ka humbur shumë kohë më parë”, tha ai.
Edhe
Zhytësi gjen unazën e vitit 1910 në liqenin e Teksasit
Nissen tha se ai dhe disa miq kishin kaluar ditën në kanal dhe se nuk e kishte kuptuar se unaza i mungonte derisa u kthye në makinën e tij, atë ditë.
Ai tha se unaza, e cila iu kthye pikërisht në kohë për përvjetorin e 20-të të martesës me gruan Stephanie, është në gjendje të shkëlqyer.
