-
Nga:
Valbona Bytyqi
- 11 tetor 2023 21:04
- Shpërndaje në:
Hetimet për sulmin terrorist ndaj Policisë më 24 shtator kanë bërë që në veri të vazhdohet me bastisje. Të mërkurën janë kontrolluar tri lokacione. Prej tyre dy në Mitrovicën e Veriut e një në Zvecan. Përveç konfirmimit të bastisjeve, nga Policia e Kosovës nuk kanë ndarë detaje të tjera lidhur me operacionin
Veriu i Kosovës ishte sërish cak bastisjesh i Policisë së Kosovës.
Të mërkurën Policia ka bastisur në tri lokacione të ndryshme, në lidhje me rastin e sulmit në Banjskë të Zvecanit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoGjatë operacionit, sipas Policisë së Kosovës, nuk është arrestuar ndonjë person.
Bastisjet në veri janë duke u bërë në kuadër të hetimeve për zbardhjen e sulmit terrorist ndaj Policisë së Kosovës, më 24 shtator, ku u vra rreshteri Afrim Bunjaku.
Pas sulmit në shtator, në Kosovë është rritur prania e trupave të misionit të NATO-s.
Të mërkurën, para nisjes së samitit 2-ditor të Samitit të Ministrave të Mbrojtjes, sekretari i përgjithshëm i NATO-s, Jens Stoltenberg, e ka vlerësuar të rëndësishëm një veprim të tillë nga Aleanca transatlantike.
“Kemi parë rritje të re të tensioneve atje, prandaj është e rëndësishme që NATO ka rritur praninë e saj në Kosovë”, ka theksuar Stoltenberg.
Bastisje në disa lokacione në veri të Kosovës janë bërë edhe javë më parë. Në mesin e tyre, ato në pronat e udhëheqësit të grupit paramilitar serb, Milan Radoiçiq.