Kryetari i Kuvendit të Kosovës, Glauk Konjufca, ka thënë se vendimi për pronat rreth Manastirit të Deçanit ishte një vendim i vështirë, por se kjo tregon vendosmërinë e Kosovës për shtet ligjor.
Konjufca ka takuar kryetarin e Komisionit për Çështje Politike dhe Demokraci të Asamblesë së Këshillit të Evropës, që është njëherazi edhe deputet, si dhe anëtar i Komisionit për Punë të Jashtme të Parlamentit të Francës, Bertrand Bouyx, me të cilin foli edhe për këtë vendim.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAta diskutuan për votimin e 27 marsit, ku u miratua raporti që rekomandon se Republika e Kosovës duhet të ftohet të bëhet shtet anëtar në Këshillin e Evropës. Bouyx shprehu mbështetjen për anëtarësimin e Kosovës, duke u shprehur optimist se ky proces do të përfundojë me sukses.
Konjufca ka shtuar anëtarësimi në KiE do të jetë fillimi i angazhimit në fushën e vlerave demokratike dhe të drejtave të njeriut, u tha në komunikatën e përcjellë nga Zyra e kryeparlamentarit.