“Trio de Soprano’ nga Prishtina më 10 maj mban koncert në Zagreb

“Trio de Soprano’ nga Prishtina më 10 maj mban koncert në Zagreb

05 May 2018 12:19

‘Trio de Soprano’ nga Prishtina më 10 maj të këtij viti do të performojë në Zagreb (Kroaci), njofton ky grup përmes rrjetit social.

‘Trio de Soprano’ është formacion i formuar në tetor të vitit 2016 në përbërje të tri artisteve: Jeta Çitaku, soprano, Eremira Çitaku, flaut, dhe Alberta Troni, piano.

Koncerti promovues i ‘Trios...’ ishte më 2016 ne Paris, në qendrën e njohur artistike "Cite International des Artes", ku ne program pati, po ashtu premierë, vepra te shkruara ekskluzivisht për Trio de Soprano nga kompozitorë të rinj kosovarë, si Dafina Zeqiri e Kreshnik Aliçkaj.

Ky ‘Trio...’, përveç interpretimit të literaturës klasike botërore po ashtu afirmon muzikën tonë artistike si dhe prezanton artistë (kompozitorë) shqiptarë.

Më 2017 Trio ishte pjesë e Festivalit ndërkombëtar "Sofia Music Weeks" në Sofje në edicionin e 49-të, ku hapjen e Festivalit e bëri vetë presidenti bullgar.

Po ashtu ne 2017 në Prishtine ishte pjesë e festivalit "Fem Art".

Në vazhdën e koncerteve në janar 2018 Trio ka koncertuar në Luxembourg.

Momentalisht është në përgatitje e sipër te CD së parë të veprave të shkruara enkas për ‘Trio de Soprano’ si dhe përpunime nga melosi ynë.

Koncerti i radhës i këtij grupi mbahet në Zagreb, në Institutin e Muzikës, më 10 maj 2018

https://web.facebook.com/Trio-de-Soprano-592725100916817/

Komentet

Shto koment

Të ngjashme