Një objekt në magjistralen Prishtinë – Ferizaj, në Çagllavicë, është përfshirë nga zjarri të premten. Objekti dyshohet të jetë depo furnizuese e pajisjeve mjekësore.
Në një video të KOHËS shihet tym i zi në vendin e ngjarjes.
Zëdhënësja e Policisë së Kosovës për rajonin e Prishtinës, Flora Ahmeti, ka thënë ka thënë se bazuar në të dhënat e deritanishme nga zjarri janë shkaktuar vetëm dëme materiale.
“Sot rreth orës 10:00, kemi pranuar informatën për një incident zjarri në një objekt në rrugën Prishtinë -Ferizaj. Në vendngjarje janë zjarrfikësit dhe policia të cilët po merren me rastin”, ka theksuar Ahmeti.
