Një person ka mbetur i lënduar si pasojë e një aksidenti që ka ndodhur të martën në Kaçanik në drejtim të Hani i Elezit.
Zëdhënësi i policisë për rajonin e Ferizajt, Kanun Veseli ka thënë për KOHËN se vetura ka dalë jashtë rrugës kryesore dhe ka rënë poshtë saj.
Si pasojë, rruga është e mbyllur në të dy korsitë.
“Një person i lënduar është dërguar në Qendrën Emergjente në Ferizaj. Në vendin e ngjarjes ndodhen ekipet relevante, përfshirë Policinë, zjarrfikësit, emergjencën mjekësore si dhe njësitin e trafikut rajonal Ferizaj, të cilët janë duke ndërmarrë veprimet e nevojshme”, ka thënë ai.