Familja e Gjokajt kërkon burgim të përjetshëm për të akuzuarit për vrasjen e trefishë në Gllogjan

(Teksti i përditësuar) - Avokati i familjes së Gani Gjokajt, njërit prej të vrarëve në Gllogjan më 2021, Arianit Koci, ka kërkuar burgim të përjetshëm për tre të akuzuarit, Halil, Kastriot e Kreshnik Mehemtaj.

Ai ka thënë se Gjokaj, nuk ishte viktimë e rastësishme, por ishte shënjestër. 

“Të gjithë e përshkruajnë të njëjtën skenë, që një person i maskuar ecte si i dehur që autobusi të ndalte shpejtësinë. U vërtetua se Gani Gjokajn ngriti duart, si shenjë vetëmbrojtje. Nga raportet e autopsisë u vërtetua vdekja e tre viktimave. Plumbat nuk e prekën vetëm hekurin e autobusit, por prekën jetë njerëzish. Nga bastisjet në shtëpinë e të akuzuarve u vërtetua se u gjetën 157 fishekë… kërkojmë të akuzuarit të shpallen fajtor, sipas aktakuzës. Kërkojmë që nga të akuzuarit, të shpallet dënimi më i rëndë, burgimi i përjetshëm”, është shprehur Koci. 

Ai ka thënë se ky është dënimi që i jep kuptim drejtësisë.

Dënim maksimal ka kërkuar edhe bashkëshortja e Gjokajt. “Shpresoj të jepet dënimi maksimal” , ka theksuar ajo.

Edhe LAJMET E MBRËMJES 25 qer 2026 Kërkohet burgim i përjetshëm për të akuzuarit për vrasjen e trefishtë në Gllogjan

Përveç Gjokajt, që ka qenë shofer i autobusit ku ka ndodhur rasti, u patën vrarë edhe dy të miturit, L.H. 17-vjeçar dhe G.M. 17-vjeçare.

Në seancën e së hënës nxënësit që kanë qenë në autobus, në kohën kur ka ndodhur rasti, kanë kërkuar drejtësi shokët e tyre.

Ndërkohë avokatja e të pandehurit Kastriot Mehmetaj, Kosovare Kelmendi, ka thënë se Prokuroria ka dështuar të zbulojë se kush i ka vrarë viktimat. 

“Prokuroria ka dështuar totalisht në zbulimin e asaj dore, kush i ka vrarë viktimat”, është shprehur Kelmendi. 

Edhe avokatja e Kreshnik Mehmetajt, Nushe Kuka – Metaj, ka kërkuar lirimin e të mbrojturit të saj.

Gjithshtu edhe avokati i Halil Mehmetajt, Florent Latifaj, ka kërkuar që i mbrojturi i tij të lirohet nga akuza.

Vazhdon gjykimi për vrasjen e trefishtë në Gllogjan

Sot në Gjykatën Themelore në Pejë vazhdon gjykimi ndaj tre të akuzuarve për vrasjen e trefishtë në Gllogjan.

Edhe LAJMET E MBRËMJES 16 o. më parë Administrohen provat e reja për vrasjen e trefishtë në Gllogjan

Në seancën e sotme do të vazhdojë paraqitja e fjalëve përfundimtare. 

Në seancën e kaluar prokurorja Sahide Gashi ka kërkuar burgim të përjetshëm për tre të akuzuarit për vrasjen e tre personave më 2021 në Gllogjan, përfshirë dy të mitur.

Në sallën e gjykimit prezent janë edhe nxënësit që kanë qenë në autobus kur ka ndodhur rasti.

Sipas aktakuzës, të akuzuarit kryen sulmin për motive hakmarrjeje, në marrëveshje e bashkëveprim me njëri-tjetrin. 

Në aktakuzë thuhet se cak i vrasjes ishte qenë shoferi i autobusit, tani i ndjeri Gani Gjokaj dhe se vrasja ka ndodhur për hakmarrje, pasi familja Mehmetaj e ka ka fajësuar atë si shkaktar të vetëvrasjes së vajzës së tyre Heroina Mehmetaj.

Në aktakuzë thuhet se, i pandehuri Halil Mehmetaj, ishte betuar në hakmarrje ndaj tani të ndjerit Gjokaj, si dhe me rastin e ceremonisë së varrimit të të ndjerës, vajzës së tij, në arkivolin e saj ka vendosur orën e tij të dorës.

Po ashtu në aktakuzë përshkruhet se si të akuzuarit në marrëveshje e bashkëveprim me njëri-tjetrin kanë studiuar terrenin me kujdes, duke u siguruar se nuk ka mbulueshmëri të kamerave dhe shtëpi në afërsi, duke i zënë priten autobusit që vinte nga Gjakova në drejtimin e Gllogjanit dhe pastaj njëri nga ta kishte qëlluar me armë zjarri në drejtim të tij, duke i lënë të vdekur tre persona.

Sipas organit të akuzës, i pandehuri Kastriot Mehmetaj pasi ka marrë pushkën automatike AK-47, është nisur në këmbë deri tek vendi i ngjarjes dhe me të vërejtur dritat e autobusit, ka dalë në mes të rrugës i kthyer më shpinë nga automjeti dhe me qëllim që ta detyrojë të ulë shpejtësinë apo ndalojë, ka bërë sikur është i dehur. Dhe kur shoferi fillimisht e ka sinjalizuar me drita të gjata e pastaj edhe ka ulur shpejtësinë, sipas aktakuzës, i pandehuri Kastriot Mehmetaj në distancë prej rreth 6 metrash ka marrë në shënjestër shoferin e autobusit, tani të ndjerin Gani GJokaj dhe e ka goditur për vdekje, e po ashtu godet edhe dy nxënës L.H. 17-vjeçar dhe G.M. 17-vjeçare, si dhe i ka shkaktuar lëndime të rënda trupore F.T.

Edhe Arbëri 19 gus 2026 Për rastin e vrasjes së trefishtë në Gllogjan pranohen disa prova të reja materiale

Sipas aktakuzës, i pandehuri Kastriot Mehmetaj ka ikur në drejtim të fshatit Shaptej, ku në mes të rrugës ishte duke e pritur me veturë i pandehuri Kreshnik Mehmetaj dhe pasi ka mbërritur në shtëpi ka shkatërruar armën.

E i pandehuri Halil Mehmetaj, nga data 14 qershor 2020, gjerë më 26 nëntor 2021, në fshatin Gllogjan, në rrugën “Ismajl Haradinaj”, ka shtyrë të pandehurit Kastriot dhe Kreshnik Mehmetaj, në vrasjen e tani të ndjerit Gani Gjokaj, të cilin para tyre e ka fajësuar si shkaktar të vetëvrasjes së vajzës së tij Heroina Mehmetaj.