Policia e Kosovës ka njoftuar se e ka arrestuar dhe pas intervistimit e ka liruar në procedurë të rregullt një person që dyshohet se në rrjete sociale ka shpërndarë video me përmbajtje të abuzimit seksual me fëmijë.
Rasti ka ndodhur të mërkurën në Lipjan.
“Drejtoria e Hetimit të Krimeve Kibernetike pas veprimeve hetimore ka identifikuar dhe arrestuar të dyshuarin mashkull kosovar i cili përmes rrjetit social dyshohet se ka shpërndarë disa video me përmbajtje të abuzimit seksual me fëmijë. Pas intervistimit me urdhër të prokurorit i dyshuari është liruar në procedurë të rregullt”, thuhet në raportin 24-orësh të Policisë.