Policia ka sekuestruar një armë në fshatin Likovc të Skënderajt në mëngjesin e sotëm. Nga Policia është njoftuar se gjatë kontrollit tek një i dyshuar është gjetur dhe sekuestruar një pistoletë, një karikator dhe shtatë fishekë.
“Sekuestrimi i armës është bërë në fshatin Likovc të Skenderajt në kohën kur zyrtarët policorë kanë hasur në personin e dyshuar dhe me këtë rast gjatë kontrollit të detajuar tek i dyshuari është gjetur dhe sekuestruar një armë e llojit ‘pistoletë’, një karikator dhe shtatë fishekë, për të cilën i dyshuari nuk posedonte leje. Lidhur me rastin në cilësi të të dyshuarit është intervistuar i dyshuari shtetas i Republikës së Kosovës. Ndërsa pas intervistimit me urdhër të prokurorit të rastit i dyshuari është liruar në procedurë të rregullt, dhe ndaj tij është iniciuar rast për veprën penale ‘Mbajtje në pronësi, posedim dhe kontroll të paautorizuar të armëve’””, thuhet në njoftimin e Policisë së Kosovës.