Policia e Kosovës dhe KFOR-i kanë ndaluar shtatë automjete në rrugën ilegale në fshatin Gnjezdan të Leposaviqit, nën dyshimin për transportim të mallrave të kontrabanduara.
Siç ka njoftuar Policia e Kosovës në një komunikatë për media, në këtë rrugë janë ndaluar gjashtë kombi dhe një veturë me targa të Serbisë. Gjashtë vozitës kanë qenë shtetas të Serbisë dhe një i Kosovës.
Vlera e përgjithshme e mallrave të ngarkuara (produkte ushqimore, mjete pune, mobile e të tjera) arrijnë mbi 26 mijë euro.
Mallrat janë trajtuar nga njësitet kufitare të Drejtorisë Rajonale Kufitare në veri. Për procedura të mëtejme rasti do të trajtohet nga Dogana dhe Administrata Tatimore e Kosovës.
