(E përditësuar 20:35) - Spitali i Përgjithshëm i Pejës ka njoftuar se gruaja e plagosur pasditen e së premtes në Istog ka vdekur.
Sipas njoftimit të spitalit në Facebook, pacientja e plagosur ishte pranuar në gjendje shumë të rëndë shëndetësore.
“Menjëherë pas pranimit, ekipet kujdestare, të përkrahura edhe nga ekipet e gatishmërisë, kanë ndërmarrë të gjitha veprimet e nevojshme mjekësore dhe reanimuese, duke u përpjekur maksimalisht për ti shpëtuar jetën pacientes. Përkundër angazhimit intensiv dhe profesional të stafit shëndetësor, fatkeqësisht pacientja nuk ka arritur tu mbijetojë plagëve të marra”, thuhet në njoftim.
Plagoset një grua në Istog
Një grua është plagosur me armë zjarri në Istog pasditen e së premtes.
Policia ka njoftuar se informatën e ka marrë nga Emergjenca e këtij qyteti.
Edhe
Gjendet i vdekur një person në Istog, ishte shpallur i zhdukur në gusht të vitit të kaluar
E plagosura është dërguar për tretman mjekësor në Spitalin Rajonal në Pejë.
Policia ka thënë se po heton rastin.
