Presidentja e Kosovës, Vjosa Osmani, ka reaguar për shpërthimin në kanalin në Ibër-Lepenc në Zubin-Potok të premten në mbrëmje. Tek e ka quajtur akt terrorist shpërthimin, Osmani ka thënë se “bandat kriminale serbe kanë humbur në çdo betejë me institucionet e Kosovës” e se “do të humbin sërish, në përpjekjet e tyre qyqare për të sulmuar infrastrukturën jetike të Republikës sonë nëpërmjet akteve terroriste”.
“Mbrojtja e kushtetutshmërisë e ligjshmërisë në çdo cep të vendit dhe lufta e pakompromis ndaj këtyre elementeve kriminale janë jetike”, ka shkruar Osmani në Facebook.
Ajo ka kërkuar qetësi e maturi nga qytetarët deri sa institucionet të merren me hetim të rastit dhe sanimin e dëmit.
“Përveç institucioneve tona, partnerët tanë ndërkombëtar të sigurisë menjëherë kanë ofruar ndihmën e tyre edhe për sanimin e dëmit të shkaktuar dhe për furnizim me ujë e poashtu për hetim të këtij akti kundër shtetit e qytetarëve tanë”, ka bërë të ditur ajo.
Shpërthim në kanalin e Ibër-Lepencit në Zubin-Potok
Një shpërthim i fuqishëm ka ndodhur të premten në mbrëmje në fshatin Varagë të Zubin Potokut....-
Osmani ia prezanton Costës dëshmitë për lidhjet e Serbisë me sulmin në Ibër-Lepenc
-
Osmani bisedon me O’Brienin për sulmin në Ibër-Lepenc
-
Osmani takon udhëheqësit e autoriteteve të sigurisë pas sulmit në kanalin e Ibër-Lepencit
-
Osmani takon edhe ambasadorët e QUINT-it e atë të BE-së
-
Osmani takon komandantin e KFOR-it pas shpërthimit në Ibër-Lepenc