Gjykata Themelore në Mitrovicë ia ka caktuar masën e paraburgimit prej një muaji të dyshuarit M.B., nën dyshimin se ai ka vrarë babanë dhe vëllain e vetë.
I dyshuari akuzohet për “Vrasje të rëndë”. Ai akuzohet se më 27 maj në ora 5 të mëngjesit në banesën e tij në Mitrovicë të Veriut ka therë me thikë për vdekje babanë e vetë M.B. dhe vëllain binjak U.B.
“Gjykata Themelore në Mitrovicë - ka aprovuar kërkesën e Prokurorisë Themelore në Mitrovicë, dhe i ka caktuar masën e paraburgimit prej një (1) muaji të dyshuarit M.B., për shkak të veprës penale “Vrasje e rëndë” nga neni 173 paragrafi 1 pika 1.3 e 1.11 të Kodit Penal të Republikës së Kosovës”, thuhet në vendimin e Themelores së Mitrovicës.
Artikuj të ngjashëm
