Një grua, rreth 60-vjeçare, është vrarë në Pejë pasditen e së premtes, ka konfirmuar Policia e Kosovës. I dyshuari, djali i viktimës, është arrestuar.
Zëdhënësi i Policisë për rajonin e Pejës, Driton Rugova, ka treguar se rasti është raportuar në Polici rreth orës 16:00. Ai ka thënë se me të arritur në vendin e ngjarjes, Policia ka parë se bëhet fjalë për vrasje të rëndë.
Rasti ka ndodhur në rrugën “Mbreti Zog”. Vdekjen e viktimës e ka konfirmuar ekipi kujdestar.
Prokurorja e rastit tragjik në Pejë, Sahide Gashi, ka thënë se i dyshuari për vrasjen e nënës së tij, nuk ka qenë në gjendje të japë deklaratë. Ajo ka thënë se intervistimi i tij pritet të bëhet të shtunën.
Në një konferencë për media, ajo ka deklaruar se do të urdhërohet ekzaminimi i të dyshuarit në Institutin e Psikiatrisë.
Ajo ka thënë se janë siguruar edhe dëshmitarët okularë.
-
Vdiq në spital një grua në Pejë, Policia e cilëson si vdekje të dyshimtë dhe po e heton rastin
-
Gjendet e vdekur një grua në Pejë, policia po e heton rastin
-
Vritet një grua, arrestohet bashkëshorti
-
Aktakuzë ndaj të pandehurit për vrasjen e nënës së tij para gjashtë muajsh në Pejë
-
Gjendet i vdekur një person në Pejë