Një sulm fizik mes tre personave ka ndodhur të mërkurën në Mitrovicë të Veriut pas një mosmarrëveshjeje në komunikacion.
Shefi i planifikimit në kuadër të Operativës Rajonale të Policisë në Mitrovicë të Veriut, Erduan Baliqi, ka thënë se një person dyshohet se ka sulmuar dy persona të tjerë - babë e djalë.
Që të tre personat e përfshirë kanë kërkuar trajtim mjekësor.
“Pas një mosmarrëveshjeje në komunikacion një person i dyshuar i ka sulmuar dy persona, babë dhe djalë. Një person është arrestuar dhe dy viktimat i kemi sjellë në stacion. Të tre kanë kërkuar tretman mjekësor”, ka thënë Baliqi për KosovaPressin.
Ai shtoi se policia po vazhdon hetimet për të sqaruar rrethanat e incidentit. Tash për tash nuk raportohet për të arrestuar të mundshëm.
Artikuj të ngjashëm
-
Dyshohet se tre persona në Mitrovicë të Veriut deklaruan rrejshëm për një tentim-vrasje të 2013-ës
-
Arrestohet një person në Mitrovicë të Veriut për sulm ndaj nënës së tij
-
Përleshje mes vëllezërve për pronë në Mitrovicë, përfundojnë në mbajtje
-
Rrahën mes vete dy persona në Sekiraçë, njëri pjesëtar i policisë
-
Pesë të arrestuar pas një rrahjeje në Obiliq, mes tyre edhe një i mitur