Është arrestuar personi që dyshohet se ka shkaktuar aksidentin në rrugën “Isa Kastrati” në Prishtinë para dy ditësh, ku mbetën të lënduar katër persona.
I dyshuari pati ikur nga vendi i ngjarjes, ku me automjet ka goditur dy vetura.
“Si rezultat i veprimeve policore, është arritur që të identifikohet dhe të lokalizohet shoferi, i cili dyshohet se ka shkaktuar aksidentin. Ndaj tij janë ndërmarrë masat ligjore konform legjislacionit në fuqi”, thuhet në njoftimin policor.
Policia tutje ka bërë thirrje për respektim të rregullave të trafikut me qëllim të parandalimit të aksidenteve.