Pesë persona kanë mbetur të lënduar në një aksident trafiku në fshatin Besi të Prishtinës mes tri veturave, në orët e hershme të së enjtes.
Lajmin për KOHËN e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
“Sot rreth orës 01:00 kemi pranuar informatën se në fshatin Besi të Prishtinës, ka ndodhur një aksident trafiku me lëndime. Në këtë aksident kanë qenë të përfshira tri automjete në lëvizje. Si pasojë e aksidentit janë lënduar pesë persona”, ka bërë të ditur zëdhënësja Ahmeti.
Ajo ka theksuar se me “rastin po merret njësiti i trafikut rajonal.”
