Një këmbësor është goditur për vdekje nga një veturë, mesditën e së premtes në Veternik.
Lajmin për KOHËN e ka konfirmuar zëdhënësja e Policisë për rajonin e Prishtinë, Flora Ahmeti, e cila ka thënë se në aksident kanë qenë të përfshira një këmbësor dhe një veturë në lëvizje.
“Sot rreth orës 14:30 kemi pranuar informatën se në lagjen Veternik, ka ndodhur një aksident trafiku me pasoja fatale. Në këtë aksident, kanë qenë të përfshirë, një këmbësor dhe një automjet në lëvizje. Si pasojë e aksidentit, lëndime të rënda trupore ka pësuar këmbësori, i cili nuk ka arritur t’i përballojë plagët dhe i njëjti ka ndërruar jetë. Vdekjen e tij e ka konstatuar ekipi mjekësor në vendngjarje”, ka thënë Ahmeti.
Sipas saj, policia ka nisur një hetim për zbardhjen e rrethanave që kanë çuar deri te ky aksident trafiku, ndërkohë që ngasësi i automjetit është shoqëruar në stacion policor.
-
Goditet për vdekje një këmbësor në Vragoli
-
Aksident me fatalitet në Mitrovicë, një këmbësor vdiq pasi u godit nga vetura
-
Vdes një këmbësor që u godit nga vetura në Bresje
-
Këmbësor humbi jetën në Graçanicë pasi u godit nga vetura, arrestohet vozitësi
-
Vdiq një këmbësor pasi u godit nga vetura, arrestohet shoferi