Policia në Shqipëri ka goditur një grup të strukturuar kriminal, me pjesëtarë shtetas nga Shqipëria dhe Kosova, që falsifikonte dokumente me qëllim shitjen.
Gjashtë persona janë arrestuar e janë sekuestruar 15 dokumente të dyshimta, shtatë telefona dhe një motomjet.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Në kuadër të këtij operacioni, u arrestuan në flagrancë shtetasit K. D., 35 vjeç, banues në Tiranë, K. G., 57 vjeç, banues në Prizren, dhe G. L., 28 vjeç, banues në Kaçanik. Gjithashtu, u ndaluan me iniciativë shtetasit K. D., 56 vjeç, L. B., 58 vjeç dhe E. D., 20 vjeçe, të tre banues në Tiranë”, thuhet në njoftimin e Policisë së Shtetit.
Nga hetimi ka rezultuar se këta shtetas, të organizuar si grup, falsifikonin dokumente të ndryshme, me qëllim shitjen shtetasve që synonin të lëviznin ilegalisht drejt shteteve që kërkojnë viza.
Dokumentet e sekuestruara:
- 3 pasaporta dhe 3 karta identiteti amerikane;
- 2 pasaporta, 2 karta identiteti dhe 1 leje drejtimi italiane,
- 1 pasaportë dhe 1 leje drejtimi angleze;
- 1 leje drejtimi rumune;
- 1 kartë identiteti shqiptare.
- VIDEO: