Gjykata Themelore në Ferizaj ka dënuar me dy vjet burgim të pandehurin V.H. pasi si përgjegjës i një kompanie kishte mashtruar një person lidhur me një grant bujqësor.
V.H. ishte person përgjegjës i personit juridik “E.D&C”. Ai dhe kompania akuzoheshin se në vitin 2019 e kishin mashtruar viktimën R.H. duke i premtuar do ta fitonte një grand bujqësor (traktor) në vlerë 25 mijë euro, nëse i deponon te ky biznes 4280 euro. Pas kësaj, atij i ishin kërkuar edhe 800 euro në emër të planit të biznesit.
Më pas, V.H. dhe kompania nuk i ishin lajmëruar e as që ia kishin kthyer mjetet viktimës e as ai nuk kishte marrë grantin e premtuar.
Gjykata e ka dënuar biznesin me 6000 euro gjobë. Ndërkaq V.H. si person përgjegjës me burgim dy vjet dhe 2000 euro gjobë.
Në njoftim theksohet se me aktvendim të veçantë të pandehurit i është caktuar masa e paraburgimit derisa aktgjykimi të marrë formën e prerë, por jo më shumë se koha e dënimit të shqiptuar.
Palët kanë të drejtë ankese në Gjykatën e Apelit.
-
Nga një muaj paraburgim për 9 të arrestuarit për mashtrim me derivate
-
Dyshime të reja për tenderin e objektit të Ministrisë së Bujqësisë
-
Aktakuzë për mashtrim në tenderin e sigurimit fizik në Prizren
-
Ngrihen 18 parcela në Prizren, kërkohet paraburgim për të dyshuarin për keqpërdorim të pozitës
-
Keqtrajtoi fëmijët në kopsht, edukatorja dënohet me 11 muaj burgim e 5 vjet ndalim ushtrimi të profesionit