Arrestohet në Prishtinë turku i kërkuar nga INTERPOL-i, dyshohet se rekrutonte gra për detyrim në prostitucion

Një shtetas turk është arrestuar të mërkurën në Prishtinë, pasi kërkohej përmes INTERPOL-it me urdhërarrest ndërkombëtar të lëshuar nga Turqia. 

44-vjeçari me inicialet E.S., dyshohet se ka qenë pjesë e një grupi të krimit që përfitonte financiarisht nga rekrutimi i grave për detyrim në prostitucion. 

Arrestimi i tij është kryer nga njësiti i drejtorisë për bashkëpunim ndërkombëtar policor, FAST. 

“Sot me datë 19.03.2025 rreth orës 14:300, zyrtarë policorë nga Drejtoria për Bashkëpunim Ndërkombëtar Policor, kanë bërë arrestimin e një personi shtetas turk me inicialet E.S., i lindur 1981, i kërkuar përmes INTERPOL-it me urdhër arrest ndërkombëtar lëshuar nga Turqia, pasi që i njëjti dyshohet se ka qenë pjesë e një grupi të krimit të organizuar që përfitonte financiarisht nga rekrutimi i grave për detyrim në prostitucion”, thuhet në njoftimin e Policisë.

Me urdhër të prokurorit, i arrestuari është dërguar në ndalim policor për 48 orë.