Gjykata e Apelit të premten ka vendosur ta kthejë në rigjykim vdekjen e argjentinases Maria Clara Urdangaray, duke konstatuar shkelje esenciale të dispozitave të procedurës penale nga Gjykata Themelore në Prishtinë.
Në shkurt të këtij viti, Gjykata Themelore në kryeqytet e dënoi me 18 vjet burgim Endrit Nikën për vrasjen e të dashurës argjentinase në një hotel në Fushë-Kosovë në gusht të 2023-tës. Sipas aktakuzës, Nika ushtroi dhunë ndaj viktimës edhe në dhomë, derisa në një moment e hodhi atë nga dritarja e katit të gjashtë të hotelit ku po qëndronin.
Megjithatë, në vendimin e Apelit thuhet se shkeljet e gjetura janë të pakapërcyeshme dhe rasti duhet të kthehet në rigjykim. Ndër të tjera, shkalla e dytë ka thënë se duhen dëgjuar edhe disa dëshmitarë shtesë.
Ndërkohë, për ankesën e palës mbrojtëse për rritjen e dënimit ndaj Nikës, Apeli ka konstatuar se kërkesa tani për tani është “jolëndore”.
-
Vrasja e argjentinases, Prokuroria kërkon dënim më të ashpër për Nikën e mbrojtja lirim
-
Endrit Nika dënohet me 18 vjet burgim për vrasjen e të dashurës argjentinase
-
18 vjet burgim Endrit Nikës për vrasjen e të dashurës argjentinase
-
Edhe në rigjykim Endrit Nika deklarohet i pafajshëm për vrasjen e të dashurës argjentinase
-
Familja e argjentinases kërkon ashpërsim të dënimit për Nikën e mbrojta e tij fajtor e bën “hotelin”