Persë persona janë lënduar në një aksident trafiku i cili ka ndodhur sonte në rrugën “Ibrahim Mazreku” në Malishevë, ku janë përfshirë katër automjete.
Lajmin e ka konfirmuar për media zëdhënësi i Policisë së Kosovës, Sheremet Elezaj. Sipas tij, aksidenti ka ndodhur rreth orës 19:40.
“Rreth orës 19:40, në rrugën ‘Ibrahim Mazreku’ në Malishevë, ka ndodhur një aksident trafiku në të cilin janë përfshirë katër automjete”, ka deklaruar Elezaj.
Sipas zëdhënësit të Policisë, njëri prej automjeteve ka dalë jashtë rrugës dhe ka goditur një zyrtar policor, i cili ka pësuar lëndime trupore dhe është dërguar për trajtim mjekësor.
Përveç zyrtarit policor, për trajtim mjekësor janë dërguar edhe katër persona të tjerë.
Njësitë përkatëse policore kanë dalë në vendin e ngjarjes dhe po ndërmarrin veprimet e nevojshme hetimore për të sqaruar plotësisht rrethanat dhe shkaqet e aksidentit.
-
Merdar, zbulohen mbi 63 mijë euro të padeklaruar në një autobus të relacionit Gjermani – Kosovë
-
Arrestohet në Rinas një 43-vjeçar nga Kosova, kërkohej ndërkombëtarisht nga Spanja
-
Prokuroria kërkon paraburgim për të dyshuarin për plagosje në Istog
-
Tjetër zjarr në jug të Shqipërisë, flakët kaplojnë resortin në rrugën Sarandë-Syri i Kaltër
-
Rrihen mes vete burrë e grua në Prishtinë, lirohen në procedurë të rregullt