Shala nënshkruan vendimin për ndërtimin e inkubatorit të bizneseve në Skenderaj

Ministri i Tregtisë dhe Industrisë, Endrit Shala, në vazhdën e mbështetjes për bizneset, sot ka nënshkruar vendimin mbi dhënien e pëlqimit për themelimin e inkubatorit në Komunën e Skenderajt.

Ministri Shala theksoi se inkubatori do t’iu shërbejë bizneseve që të kenë kushte sa më të mira të operimit dhe të jenë konkurruese.

“Ministria e Tregtisë dhe Industrisë është duke krijuar mundësi për bizneset në të gjitha komunat e Republikës së Kosovës, duke ndërtuar inkubator, dhe zona ekonomike. Inkubatori në Komunën e Skenderajt do të ketë sipërfaqe mbi 9 mijë metra katror dhe është një mundësi e mirë për zhvillimin e afarizmit në këtë komunë”, tha ministri Shala.

Sipas tij, roli i ministrisë është krijimi i kushteve sa më të mira për bizneset, duke punuar shumë në fuqizimin e tyre që të jenë konkurruese.

Ministria e Tregtisë dhe Industrisë nëpërmjet një komunikate thotë se ka financuar edhe ndërtimin e inkubatorit në komunën e Malishevës, që së shpejti do të jetë funksional.

Edhe Zgjedhjet lokale 9 muaj më parë Halili premton 2 miliardë euro investime në Skenderaj: Do ta sjell fabrikën Nestle

Po ashtu MTI-ja është duke vazhduar me ndërtimin e zonave ekonomike, që bizneseve vendore dhe të huaja t’iu krijoj hapësirë të mjaftueshme për të operuar me kosto shumë të lirë.

Investimi në Komunën e Skenderajt do të vazhdojë edhe në projekti të tjera të rëndësishme.